ဖက်ဒရယ်ဝါဒသည် ဘီလူးကြီးလား (အင်စတီကျူးရှင်း၏ သဘောတရား )

ဂလိုဘယ်လိုက်ဇေးရှင်း ဖြစ်စဉ်က ကမ္ဘာကြီးကို တသားတည်း ဖြစ်လာစေရန် ဖန်တီးနေချိန် တပြိုင်နက်တည်းမှာပင် တုိုင်းရင်းသားလူမျိုးရေး အခြေခံ၍ ပေါ်ပေါက်လာသည့် ကွဲပြားခြားနားမှုများက ကမ္ဘာကြီးကို ကြောက်မက်ဖွယ် အန္တရာယ်ဆီသုို့ တွန်းပို့နေပါသည်။ နိုင်ငံအတွင်း တိုင်းရင်းသား လူမျိုးအချင်းချင်းအကြား ဖြစ်ပေါ်သည့် အကြမ်းဖက်မှုများက နိုင်ငံအချင်းချင်းအကြား အကြမ်းဖက် တုိုက်ခိုက်မှုများထက် ပိုမို များပြားလာသည်ကို တွေ့ရပြီး ယင်းတိုင်းရင်းသားများ အကြား ပဋိပက္ခများက ရပ်တန့်ရန် ပိုမိုခက်ခဲသည်ကိုလည်း တွေ့ရသည်။ ၁၉၄၅ ခုနှစ် ကတည်းကစ၍ ကမ္ဘာပေါ်ရှိ စစ်ပွဲများ၏ တဝက်မှာ တိုင်းရင်းသားလူမျိုးများ အကြားရှိ စစ်ပွဲများဖြစ်ပြီး ထိုစစ်ပွဲများကြောင့် လူပေါင်း ၁၂ သန်းကျော် စစ်ဘေး ဒုက္ခသည်များ ဖြစ်သွားကာ လူပေါင်း ၁၁ သန်းကျော် အသက်ဆုံးရှုံးကြရသည်။



ထို့အပြင် ယနေ့ကမ္ဘာပေါ်တွင် ဖြစ်ပွားနေသော စစ်ပွဲများသည် နိုင်ငံအချင်းချင်းအကြား ဖြစ်ပွားသော စစ်ပွဲများထက် လူအုပ်စု အချင်းချင်းအကြား ဖြစ်ပွားသော စစ်ပွဲများက ပိုမိုများပြားသည့်အလျောက် အရပ်သား အသက်ဆုံးရှုံးမှုမှာလည်း ပိုမိုများပြားလာသည်ကို တွေ့ရသည်။ ဒုတိယ ကမ္ဘာစစ်အတွင်းက အရပ်သား သေဆုံးမှုမှာ သေဆုံးသူစုစုပေါင်း၏ တဝက်အောက်သာ ရှိခဲ့သော်လည်း ယနေ့ လူအုပ်စုအကြား စစ်ပွဲကြောင့် အသက်ဆုံးရှုံးရသူများတွင် အရပ်သား သေဆုံးမှုမှာ သုံးပုံ နှစ်ပုံခန့်အထိ မြင့်တက်လာသည်ကို တွေ့ရပါသည်။


နိုင်ငံများအနေဖြင့် တိုင်းရင်းသား ပဋိက္ခများ မဖြစ်အောင် မည်ကဲ့သို့ တားဆီးကာ ထိုတိုင်းရင်းသား အမျိုးမျိုး၏ လုိုအပ်ချက်များကို မည်ကဲ့သို့ ဖြေရှင်းနိုင်မည်နည်း။ ဤမေးခွန်းမှာ တိုင်းရင်းလူမျိုး ကွဲပြားမှုကြီးမားသော နိုင်ငံများ၊ အထူးသဖြင့် တိုင်းရင်းသားများမှာ နယ်နိမိတ် တခုချင်းအလိုက် စုစည်းနေသည့် နိုင်ငံများအတွက် အလွန်အရေးပါသော မေးခွန်းတခု ဖြစ်ပေလိမ့်မည်။ ထိုသုို့ တုိုင်းရင်းသားလူမျိုးများ နယ်နိမိတ် တခုချင်းစီတွင် သီးခြားစုစည်းနေခြင်းမှာ အမျိုးသားအဆင့် (တနိုင်ငံလုံးအဆင့်) ပါတီများအတွက် စိန်ခေါ်မှုတခု ဖြစ်နေရုံသာမက နိုင်ငံတော်၏ လုံခြုံရေးအတွက် စိုးရိမ်စရာတခု ဖြစ်နေသည့်အပြင် နိုင်ငံတော်၏ နယ်နိမိတ်အတွက် အန္တရာယ်တခုသဖွယ် ဖြစ်နေလေ့ရှိပါသည်။


သို့ဖြစ်ပါ၍ ဖက်ဒရယ်စနစ်ကို ကျင့်သုံးခြင်းဖြင့် ထိုကဲ့သို့ နယ်နိမိတ်အခြေပြု တုိုင်းရင်းသားလူမျိုး ကွဲပြားခြားနားမှု ပြဿနာကို ပြေလည်စေပါသလား။ လေ့လာမှုအရ အံ့သြစရာ ကောင်းလောက်အောင်ပင် နိုင်ငံ တော်တော်များများက ယင်းပြဿနာများကို ဖြေရှင်းရန် ဖက်ဒရယ်စနစ်ကို အသုံးပြုလိုကြသည်ကို တွေ့ရသည်။ လွန်ခဲ့သော ၂၅ နှစ်အတွင်း စက်မှုထွန်းကားပြီး နိုင်ငံများတွင် ဖက်ဒရယ်စနစ်ကို ကျင့်သုံးသည့် နိုင်ငံ စုစုပေါင်း ၅ နုိုင်ငံ (သြစတေးလျ၊ ကနေဒါ၊ ဂျာမနီ၊ ဆွစ်ဇာလန် နှင့် အမေရိကန်ု) မှ ၇ နိုင်ငံ ဖြစ်လာသည် (စပိန်နှင့် ဘယ်လဂျီယံ ထပ်တိုး)။ အီတလီနိုင်ငံကလည်း ပြီးခဲ့သည့် ၂၀၀၀ ပြည့်နှစ် ဆောင်းအကုန်တွင် ဖက်ဒရယ်စနစ်ကို ကျင့်သုံးရန် ဆုံးဖြတ်ခဲ့ပြီး ကော်စတာရီကာ နှင့် ယူနိုက်တက် ကင်းဒမ်းတို့တွင်လည်း ဖက်ဒရယ်စနစ် ကျင့်သုံးရေးနှင့် ပတ်သက်၍ စတင် ဆွေးနွေးနေကြပြီ ဖြစ်သည်။


ထိုမျှသာမက ဖွံ့ဖြိုးစနိုင်ငံတို့တွင်လည်း ဖက်ဒရယ်စနစ်ကို တွင်တွင်ကျယ်ကျယ် ဆွေးနွေးလာကြပြီ ဖြစ်သည်။ အီသီယိုပီးယားနိုင်ငံတွင် နှစ်ပေါင်းများစွာ ဖြစ်ပွားနေသော ပြည်တွင်းစစ်ကို အဆုံးသတ်ပြီးနောက် ၁၉၉၅ ခုနှစ်တွင် ဖက်ဒရယ်စနစ်ကို ကျင့်သုံးရန် ဆုံးဖြတ်ခဲ့ပါသည်။ ဖိလစ်ပိုင်နိုင်ငံတွင် အထက် လွှတ်တော်အမတ် စုစုပေါင်း ၂၄ ဦးအနက် ၂၂ ဦးက နိုင်ငံ၏ မူဝါဒများကို ဖက်ဒရယ် အစီအမံဖြင့် စတင် အကောင်အထည်ရန် ၂၀၀၀ ပြည့်နှစ် နိုဝင်ဘာလတွင် မဲခွဲဆုံးဖြတ်ခဲ့သည်။ အင်ဒိုနီးရှားနိုင်ငံတွင် သမ္မတ အဗ္ဗဒူလာ ဝါဟစ်က ၁၉၉၉ ခုနှစ်တွင်း ဖက်ဒရယ်စနစ်ကို ကျင့်သုံးရန် စတင် တိုက်တွန်းခဲ့ပြီး ထိုဆွေးနွေးမှုမှာ ၎င်း၏သမ္မတ သက်တမ်းအပြီး နေက်ပိုင်းတွင်လည်း ဆက်လက် တည်ရှိနေ ခဲ့သည်။ တောင်အာဖရိက နို်င်ငံတွင် အတိုက်အခံပါတီမှ အာဏာရ ပါတီ African National Congress ကို အခြေခံဥပဒေတွင် ဖက်ဒရယ် အစီအမံများ ထည့်သွင်းရန်နှင့် ဒေသန္တရအစိုးရများကို လုပ်ပိုင်ခွင့် ပိုမိုအပ်နှင်းပေးရန် တောင်းဆိုခဲ့သည်။ ထို့အပြင် မြန်မာနိုင်ငံ၊ ယူဂန်ဒါနို်င်ငံနှင့် အာဖကန်နစ္စတန် နို်င်ငံကဲသို့ တိုင်းရင်းမျိုးနွယ်စု ကွဲပြားမှုကြီးမားသော နိုင်ငံများတွင်လည်း ဖက်ဒရယ်စနစ်ကို ကျင့်သုံးရန် အပြင်းအထန် တောင်းဆိုလာကြပြီ ဖြစ်သည်။ ဆင်းရဲသော နိုင်ငံများတွင် ဖက်ဒရယ်စနစ်ကို ကျင့်သုံးရန် အပြိုင်အဆိုင် ကြိုးပမ်းနေချိန်တွင် ဖက်ဒရယ်စနစ် ကျင့်သုံးလျက်ရှိသော နိုင်ငံများတွင်မူ ၎င်းတို့၏ ဖက်ဒရယ် ယူနစ်များကို ထပ်မံ တိုးချဲ့နေကြသည်။ ၁၉၇၀ ပြည့်နှစ်မှစ၍ အိန္ဒိယနိုင်ငံသည် ၎င်း၏ ဖက်ဒရယ်ယူနစ်ကို နောက်ထပ် ၉ ခုအထိ တိုးချဲ့ထားပြီးဖြစ်ရာ ယင်းယူနစ်အသစ်ထဲမှ ၃ ခုမှာ ၂၀၀၀ ပြည့်နှစ် နိုဝင်ဘာလက အတည်ပြုလိုက်ခြင်း ဖြစ်သည်။


ဖက်ဒရယ်နှင့် ပတ်သက်သည့် စိတ်ဝင်စားဖွယ် အငြင်းအခုံများမှာလည်း ဖက်ဒရယ်စနစ်ကို သဘောတူသော အုပ်စုများထံမှသာမက သဘောမတူညီသော အုပ်စုများကြောင့်လည်း ပို၍ ကျယ်ကျယ် လောင်လောင် ဖြစ်လာသည်။ ဖက်ဒရယ်စနစ်ဆိုသည့် ခေါင်းစီး ကိုယ်တိုင်ကပင်လျှင် အကြီးအကျယ် ဆွေးနွေးငြင်းခုံဖွယ်ရာပင် ဖြစ်သည်။ စပိန်နိုင်ငံ၏ ဘဂ် အကြမ်းဖက်လှုပ်ရှားမှုများ၊ ကက်ရ်ှမီးယား အရေးနှင့် ယူဂုိုဆလားဗီးယား ပြိုကွဲမှုများမှာ ဖက်ဒရယ်စနစ်က လက်တွေ့တွင် အကျိုးမရှိပုံကို ပြသနေသည့်အပြင် နုိုင်ငံပြိုကွဲစေသည့် ကြီးမားသော အန္တရာယ်များကို ညွှန်ပြနေပါသည်။


ကွန်မြူနစ်အလွန် နို်င်ငံများ၏ ဥပမာများက ဖက်ဒရယ်စနစ်ကို လက်မခံသူများအဖို့ အကောင်းဆုံးသော သာဓကများပင် ဖြစ်သည်။ ဘလဲယား ဘန့်စ် ( Valerie Bunce) က ကွန်မြူနစ်အလွန် ဖက်ဒရယ် နိုင်ငံများတွင် အများသောအားဖြင့် အမျိုးသားရေး လှုပ်ရှားမှုနှင့် နုိုင်ငံသစ်ထူထောင်ရေး လှုပ်ရှားမှုများကို အားပေးအားမြှောက်ဖြစ်စေသည့် အခြေခံ အုတ်မြစ်များ ပါဝင်နေသည့် ဖက်ဒရယ်စနစ်မျိုး တွေ့ရသည်ဟုဆို ပါသည်။ ထိုအခြေခံ အုတ်မြစ်များမှာ ဘာသာစကား အသိအမှတ်ပြု၊ အမျိုးသား အမှတ်လက္ခဏာဆောင် ပညာအတတ်အလွှာ ဖြစ်ထွန်းမှု၊ ဒေသခံ အထက်တန်းလွှာများ ဦးဆောင်သည့် ပင်မ အင်စတီကျူးရှင်းများ တည်ထောင်မှုနှင့် အမျိုးသား အကျိုးစီးပွားအလို့ငှာ သို့မဟုတ် တခြားသူများနှင့် ခွဲခြားလိုသည့် ရည်ရွယ်ချက်ရှိသည့် ဒေသဆိုင်ရာ ခေါင်းဆောင်များကို နိုင်ငံရေးနှင့် စီးပွားရေး လုပ်ပိုင်ခွင့်များ အပ်နှင်းခြင်း စသည်တို့ပင် ဖြစ်သည်။ ထို့အပြင် ဘလဲယား ဘန့်စ်က အရှေ့ဥရောပ ကွန်မြူနစ်အလွန် ဖက်ဒရယ်နိုင်ငံများ၏ နယ်နမိတ်ကို ခြိမ်းခြောက်နေသူများမှာ နယ်နိမိတ် တခုတည်းတွင် စုစည်းနေသည့် တိုင်းရင်းသား လူနည်းစု အုပ်စုများသာဖြစ်သည်ဟု ဆိုပါသည်။ ဆက်လက်၍ သူမက အကယ်၍ အသစ်ပေါ်ထွန်းလာသော နိုင်ငံသစ်အနေဖြင့် လူမျိုးရေးအခြေခံ ဖက်ဒရယ်စနစ်ကို အမွေဆက်ခံ ရရှိထားပါက နိုင်ငံမှခွဲထွက်မည့် အလားအလာ ပိုမိုများပြားလေ့ရှိသည်ဟု ကောက်ချက်ချက်ပါသည်။


ဖက်ဒရယ်စနစ်နှင့် ပတ်သက်၍ အားသာချက်နှင့်အတူ အားနည်းချက်များပါ ရှိနေသဖြင့် ကျွနု်ပ်တို့ အနေဖြင့် လေ့လာဆန်းစစ်မှု ပြုလုပ်ရာတွင် ဟန်ချက်ညီ မျှတရန် လိုအပ်ပါသည်။ ထို့ကြောင့်ပင် ယူဂို အမိုရက်တီ (Ugo Amoretti) နှင့် ကျမတို့ နှစ်ယောက် အနေဖြင့် ၂၀၀၀ ပြည့်နှစ်တွင် ကွဲပြားခြားနားမှု ကြီးမားသော လူ့အဖွဲ့အစည်းများအတွင်း မှ ဖက်ဒရယ်စနစ်နှင့် တပြည်ထောင် စနစ်နှစ်ခု၏ ကောင်းကျိုးဆုိုးကျိုးများကို လေ့လာရန် နိုင်ငံတကာ သုတေသန အဖွဲ့တဖွဲ့ကို တည်ထောင်ခဲ့သည်။ ယူဂိုဆလားဗီးယား ပြည်ထောင်စု ပြိုကွဲမှု အတွေ့အကြုံက ကျမကို လွှမ်းမိုးထားသည့် အလျောက် ဖက်ရယ်စနစ်သည် တိုင်းရင်းသား ပဋိပက္ခကို ပိုမိုအားကောင်းစေသည်ဟု လေ့လာတွေ့ရှိချက်များက ညွှန်ပြကြလိမ့်မည်ဟု မျှော်လင့်ထားခဲ့ပါသည်။ သို့သော် ဖြစ်စဉ်တော်တော်များများကို လေ့လာဆန်းစစ်ရာ တွေ့ရှိချက်များအရ သုတေသီအားလုံးက ကောက်ချက်ဆွဲသည်မှာ ဖက်ဒရယ် အင်စတီကျူရှင်းများက တိုင်းရင်းသား ပြဿနာကို ဖြေရှင်းရာတွင် အကောင်းဆုံးသော နည်းလမ်းဖြစ်သည်ဟု ဆိုပါသည်။


ဒီမိုကရေစီ အမြစ်တွယ် ခိုင်မာနေပြီဖြစ်သော ဆွစ်ဇာလန်၊ ဘယ်လ်ဂျီယံ၊ ကနေဒါ နှင့် စပိန် နိုင်ငံတို့တွင် ဖက်ဒရယ်စနစ်က နယ်နမိတ်ဒေသ တခုတည်းတွင် စုစည်းနေသော တိုင်းရင်းသားများ၏ နိုင်ငံမှ ခွဲထွက်မည့်အန္တရာယ်ကို ကောင်းစွာ ဖြေရှင်းနိုင်သည်ကို တွေ့ရသည်။ စက်မှုထွန်းကားပြီးသော နို်င်ငံများတွင်သာမက တခြားသော နိုင်ငံများတွင်လည်း ဖက်ဒရယ်စနစ်၏ ကောင်းကျိုးကို တွေ့ရပါသည်။ ရွေးကောက်ပွဲတွင် ပြိုင်ဆိုင်မှု မြင့်မားပြီး ဒီမိုကရေစီ သမိုင်းအစဉ်အလာ ကြီးမားသည့် အိန္ဒိယနုိုင်ငံ၊ အတွေ့အကြုံ နုနယ်သည့် မက္ကဆီကိုနိုင်ငံနှင့် အလယ်အလတ် သက်တမ်းရှိသည့် နိုင်ဂျီးရီးယား နိုင်ငံတို့တွင် ဖက်ဒရယ်စနစ် တည်ဆောက်ပုံ၏ အကျိုးကျေးဇူးကောင်းများကို တွေ့ရမည်ဖြစ်သည်။ ရုရှားကဲသို့သော အခြေခံဥပဒေတွင်လည်း တိတိကျကျ ဖော်ပြထားခြင်း မရှိသည့် လျော့တိလျော့လျဲ ဖက်ဒရယ်စနစ်မျိုးပင်လျှင် ဗဟုိုနှင့် ပြည်နယ်များအကြား အပြန်အလှန် ဆက်ဆံရေးပုံစံ အမျိုးမျိုးကို တည်ဆောက်ထားနိုင်သဖြင့် ချေချင်းညာ ပြည်နယ်အရေးမှတပါး တခြားပြည်နယ်များ၏ ခွဲထွက်ရေးလှုပ်ရှားမှုကို ထိန်းသိမ်းနိုင်သည်ကို တွေ့ရပါသည်။


အထက်တွင် ဖော်ပြခဲ့သည့် ဥပမာများက အဲလ်ဖရက် စတီဖင် မီးမောင်းထိုးပြထားသည့် ဖက်ဒရယ်စနစ်၊ လူမျိုးစုံ အမျိုးသားရေးဝါဒနှင့် ဒီမိုကရေစီအကြား အဆက်အစပ်ကိုပို၍ ရှင်းရှင်းလင်းလင်း ဖြစ်လာစေသည်ကို တွေ့ရသည်။ ဖက်ဒရယ်စနစ်နှင့် ပတ်သက်၍ စိန်ခေါ်မှုများ ရှိနေလင့်ကစား အဲလ်ဖရက် စတီဖင်က “ဘာသာစကားမျိုးစုံ၊ လူမျိုးစုံပါဝင်သည့် ခိုင်မာနေပြီဖြစ်သော ဒီမိုကရေစီ တိုင်းပြည်တိုင်းသည် ဖက်ဒရယ်စနစ်ကို ကျင့်သုံးသော တိုင်းပြည်များ ဖြစ်ကြသည်” ဟု ဆိုပါသည်။ ဆက်လက်ပြီးသူက ရှရှား၊ အင်ဒိုနီးရှားနှင့် မြန်မာနိုင်ငံကဲ့သို့သော တုိုင်းရင်းသားနှင့် ဘာသာစကား ကွဲပြားမှု ကြီးမားသော နိုင်ငံများအနေဖြင့် လက်တွေ့တွင် အလုပ်ဖြစ်သော ဖက်ဒရယ်စနစ်ကို မကျင့်သုံးသမျှ တည်ငြိမ်သောနိုင်ငံ ဖြစ်နိုင်ခြေမရှိဟု ဆိုပါသည်။


စတီဖင်၏ ခိုင်မာသည့် ကောက်ချက်က ကျမတို့အားလုံးကို ဖက်ဒရယ်စနစ်၏ သက်ရောက်မှုအား အရေးတကြီး လေ့လာရန် တွန်းအားတခု ဖြစ်လာပါသည်။ အင်စတီကျူးရှင်း တခုကို လေ့လာသုံးသပ်ရာတွင် အရာဝတ္တုများကို လေ့လာသကဲ့သို့ ရှုထောင့်ပေါင်းစုံမှ ရှုမြင်ကြည့်ရန် လိုအပ်သကဲ့သို့ နှိုင်းယှဉ် လေ့လာမှုများနှင့် သမိုင်းဆိုင်ရာ အခြေခံ လေ့လာဆန်းစစ်မှု နှစ်ခုစလုံး လိုအပ်ပါသည်။ ပထမဦးစွာ ကျွန်ုပ်တို့အနေဖြင့် ဖက်ဒရယ်တိုင်းပြည်များနှင့် တပြည်ထောင်စနစ် တိုင်းပြည်များက ပထဝီနယ်နမိတ် အခြေခံ လူနည်းစုများနှင့် ပတ်သက်၍ မူဝါဒများ မည်သုို့ အကောင်အထည် ဖော်သည်ကို နှိုင်းယှဉ်သုံးသပ်ရန် လိုအပ်သည်။ ဒုတိယအနေဖြင့် ဖက်ဒရယ် အစီအမံများ ချမှတ်ကျင့်သုံးခြင်းကို တခြားသော ပဋိပက္ခဖြေရှင်းရေး မူဝါဒနည်းနာများနှင့် နှိုင်းယှဉ်လေ့လာရန် ဖြစ်သည်။ နောက်ဆုံးအနေဖြင့် ဖက်ဒရယ်စနစ်များ မည်သို့သော အခြေအနေမျိုးနှင့် မည့်သည့် အချိန်မျိုးတွင် ကျဆုံးသွားကြရသည်ကို သမိုင်းဆိုင်ရာ ရှုထောင့်မှ လေ့လာရန် ဖြစ်သည်။


နိုင်ငံတစ်နိုင်ငံ၏ အင်စတီကျူးရှင်းများတွင် ဗဟိုနှင့် ၎င်း၏ပြည်နယ် သို့မဟုတ် ဒေသန္တရတို့အကြား စည်းတခု ခြားထားပြီး ထိုဒေသန္တရ အဆင့်တွင်လည်း ဒေသဆိုင်ရာ ခေါင်းဆောင်များနှင့် ကိုယ်စားလှယ်များကို ရွေးချယ်တင်မြောက်ခွင့် ရရှိကာ ထိုခေါင်းဆောင်များနှင့် ကိုယ်စားလှယ်များ အနေဖြင့်လည်း ဆုံးဖြတ်ပိုင်ခွင့်ကို ဗဟိုနှင့် ခွဲဝေသုံးစွဲပိုင်ခွင့် ရှိပြီဆိုလျှင် ထိုနိုင်ငံတွင် ဖက်ဒရယ်စနစ်တခု ရှိနေပြီဟု ဆိုနိုင်သည်။ သို့သော် အာဏာရှင်စနစ်တွင်မူ စစ်မှန်သော ကိုယ်စားပြုမှု မဟုတ်သောကြောင့် ဖက်ဒရယ်စနစ်ဟု မဆိုနိုင်ဟု စေဒကတက်စရာ ရှိလင့်ကစား ဤနေရာတွင် ဆုံးဖြတ်ပိုင်ခွင့်အာဏာ ခွဲဝေသုံးစွဲနိုင်မှုကိုသာ အဓိကထားလိုသဖြင့် မည်သည့် အုပ်စိုးမှုမျိုးဖြစ်စေကာမူ ထိုလက္ခဏာမျိုး ရှိပါက ဖက်ဒရယ် အမျိုးအစားတခုအဖြစ် ထည့်သွင်းစဉ်းစားမည် ဖြစ်သည်။


အမှန်တကယ်အားဖြင့် ဖက်ဒရယ်စနစ်နှင့် တပြည်ထောင်စနစ်ကို နှိုင်းယှဉ်လေ့လာမှုများ အလွန်နည်းပါး နေသေးသည်။ သို့သော်လည်း ကံကောင်းထောက်မစွာဖြင့် တက် ရော်ဘတ် ဂါး (Ted Robert Gurr) ၏ “စိုးရိမ်စရာ အခြေအနေများနှင့် ရင်ဆိုင်နေရသည့် လူနည်းစုများ (Minorities at Rist-MAR)” ဟူသည့် သုတေသနမှ အချက်အလက်များက အခြေခံ အချက်အလက်များအဖြစ် အသုံးဝင်သည့်အပြင် စဉ်းစားဆင်ခြင်စရာ ဖြစ်စေခဲ့သည်။ MAR ၏ လေ့လာဆန်းစစ်မှုမှာ ဖက်ဒရယ်စနစ်နှင့် တိုက်ရိုက်ပတ်သက်ခြင်း မရှိသော်လည်း၊ တွေ့ရှိချက်များက ဖက်ဒရယ်စနစ်နှင့် တပြည်ထောင်စု စနစ်ရှိ လူနည်းစုအုပ်စုများ၏ အခြေအနေကို ထင်ထင်ရှားရှား သိမြင်စေပါသည်။ MAR စီမံကိန်းက (၁) စနစ်တကျ ခွဲခြား ဆက်ဆံခံနေရမှု၊ (၂) ၁၉၄၅ နှင့် ၈၉ ခုနှစ်အကြား ကိုယ်ပိုင်ပြဌာန်းပိုင်ခွင့် ကာကွယ်ရေးလှုပ်ရှားမှု၊ (၃) ၁၉၈၅ ခုနှစ် အတွင်း လူဦးရေ တသန်းအထက်ရှိသည့် တိုင်းပြည်တွင် အခြေချနေထိုင်မှု၊ (၄) လူဦးရေအရ နိုင်ငံလူဦးရေ၏ ၁ ရာခိုင်နှုန်းကျော် (သို့မဟုတ်) တသိန်းအထက်ရှိခြင်း စသည့် လူနည်းစုအုပ်စုများနှင့် ပတ်သက်ပြီး အချက်အလက်များကို တိတိကျကျ ညွှန်ပြနေပါသည်။ ဥရောပ၊ အာရှ၊ အရှေ့အလယ်ပိုင်းနှင့် အမေရိကဒေသများမှ ပထဝီနယ်နိမိတ် အခြေပြု လူနည်းစုအုပ်စု ၁၁၂ စုမှာ အထက်ဖော်ပြ အချက် ၄ ချက်စလုံးနှင့် ကိုက်ညီနေသည်ကို တွေ့ရပါသည်။ ၎င်းတို့အထဲမှ ၄၆ အုပ်စုမှာ ဖက်ဒရယ်စနစ်တွင် နေထိုင်ကြပြီး ၆၆ အုပ်စုမှာ တပြည်ထောင်စနစ်တွင် နေထိုင်ကြသည်ကို တွေ့ရပါသည်။












ဇယား (၁) ကိုင်တွယ်ဖြေရှင်းပုံနည်းလမ်း



ကိုင်တွယ် ဖြေရှင်း



သည့် နည်းလမ်း

နိုင်ငံများအားလုံး

အာဏာရှင်

ဒီမိုကရေစီ


ဖက်ဒရယ်

တပြည်ထောင်

ဖက်ဒရယ်

တပြည်ထောင်

ဖက်ဒရယ်

တပြည်ထောင်


လက်နက်ကုိုင် သူပုန်

၁.၁၃

၃.၁၄

.၉၂

၎.၃၆

၁.၅၉

၁.၂၀


နုိုင်ငံရေးအရခွဲ



ခြားဆက်ဆံမှု

၁.၅၄

၁.၉ ၅

၁.၄၂

၂.၀၅

၁.၆၇

၁.၈၈


စီးပွားရေးအရ ခွဲခြားဆက်ဆံမှု

၁.၃၃

၂.၀၀

၁.၀၀

၁.၇၉

၁.၆၁

၂.၂၄


နိုင်ငံရေးအရ မကျေနပ်မှု

၁.၆၇

၃.၁၁

၁.၀၈

၃.၁၆

၂.၂၉

၂.၉ ၂







စီးပွားရေးအရ မကျေနပ်မှု

၁.၈၇

၂.၅၆

၁.၀၀

၂.၁၄

၂.၇၂

၃.၂၈


ယဉ်ကျေးမှု အရ မကျေနပ်မှု

၁.၉၆

၂.၃၂

၁.၇၃

၂.၄၁

၂.၂၈

၂.၂၀



အရင်းအမြစ်။ Ted Robert Gurr, Minorities at Risk: A Global View of Ethnopolitical Conflicts (Washington, D.C.: Institute of Peace Press, 1993)


မှတ်ချက်။ ကိန်းဂဏန်းငယ်ခြင်းသည် ကိုင်တွယ်ဖြေရှင်းပုံ ပိုမိုကောင်းမွန်သည်ဟု အဓိပ္ပါယ် သက်ရောက်ပါသည်။ နံပါတ်များသည် အုပ်စုအားလုံးအတွက် ရမှတ်စုစုပေါင်းကို အချိုးချထားခြင်း ဖြစ်သည်။ အမှတ်အသားပြုထားသော လူနည်းစုအုပ်စုတခုသည် လေ့လာမှုတခုဖြစ်သည်။ ရမှတ်ပေးခံထားရခြင်း မရှိပါက ၎င်းကို ဖယ်ထုတ်လိုက်ပါသည်။ N သည် နိုင်ငံအားလုံး ၁၁၂ ခုကို ကိုယ်စားပြုပါသည်။ အချက်အလက်များကို အစိုးရ အမျိုးအစားအလိုက် ရွေးချယ်လိုက်သောအခါ ၁၉၈၄ ခုနှစ်နှင့် ၁၉၈၆ ခုနှစ်အတွင်း အစိုးရအပြောင်းအလဲ လုပ်ဆောင်ခဲ့သော နိုင်ငံ ၆ ခုကို ဖယ်ထုတ်လိုက်ပါသည်။


ဤကဲ့သို့သော စီမံကိန်းမျိုးကို အကောင်အထည် ဖော်ရာတွင် ကြုံတွေ့နေကျ ပြဿနာဖြစ်သည့် အမျိုးအစား ခွဲခြားခြင်းနှင့် ကုဒ်သတ်မှတ်မှုဆိုင်ရာ အငြင်းပွားဖွယ်ရာ ဖြစ်သည်ကိုလည်း တွေ့ရပါသည်။ သို့သော်လည်း ထိုအချက်အလက်များက လက်တွေ့ လေ့လာဆန်းစစ်မှုများမှ ရရှိလာသည့် တွေ့ရှိချက်များနှင့် ပတ်သက်သည့် အားသာချက် အားနည်းချက်များ အတွက် အသုံးဝင်သည့်အပြင် နယ်နမိတ်အလိုက် ကွဲပြားနေသော လူနည်းစုအုပ်စုများကို စီမံခန့်ခွဲရာတွင် တပြည်ထောင်စနစ်ထက် ဖက်ဒရယ် စနစ်တွင် ပိုမို အဆင်ချောမွေ့သည်ဟူသည့် ကောက်ချက်ကို ပိုအားကောင်းစေပါသည်။








အပိုင်း (၂)


ဖယ်ဒရယ်စနစ်နှင့် တစ်ပြည်ထောင်စနစ်


အောင်မြင်သော စီမံခန့်ခွဲမှုဆိုသည်မှာ ပဋိပက္ခအားလုံးကို အပြတ်ရှင်းလင်းနိုင်ခြင်းကို ဆိုလိုခြင်း မဟုတ်ဘဲ အကြမ်းဖက်မှု ပေါ်ပေါက်လာနိုင်ချေရှိသည့် အခြေအနေများကို လျှော့ချနိုင်ခြင်းနှင့် အကြမ်းဖက်မှုကို ဖယ်ရှားနိုင်ခြင်းကိုသာ ဆိုလိုပါသည်။ အကယ်၍ ဖယ်ဒရယ်စနစ်၏ အခြေခံဖြစ်သည့် အာဏာခွဲဝေသုံးစွဲခြင်းသည် နယ်နိမိတ်အခြေခံ လူနည်းစုများကို ပိုမိုအကျိုးဖြစ်ထွန်းသည်ဆိုပါက ဖယ်ဒရယ် တိုင်းပြည်တို့တွင် လူနည်းစုများသည် လက်နက်ကိုင် တော်လှန်ရေး ဆင်နွှဲမှုလျော့နည်းပြီး၊ နိုင်ငံရေးနှင့် စီးပွားရေးအရခွဲခြား ဆက်ဆံခံရမှုနည်းပါးကာ နိုင်ငံငံရေး၊ လူမှုရေးနှင့် စီးပွားရေးအရ နာကျည်း ခါးသီးမှုလျော့နည်းမည်ဖြစ်သည်။ အထက်ပါ မျှော်မှန်းချက်များကို လေ့လာဆန်းစစ်မှုများတွင် ထင်ထင်ရှားရှား တွေ့မြင်နိုင်ပါသည်။ စီမံခန့်ခွဲမှု မျက်နှာစာ ၆ ဖက်စလုံးတွင် ဖယ်ဒရယ်စနစ်က တပြည်ထောင်စနစ်ထက် ပိုမိုသာလွန်သည် ကိုတွေ့ရပါသည်။ (ဇယား (၁) တွက်ကြည့်ရန်)


ဖယ်ဒရယ်စနစ်တွင် အုပ်ချုပ်ရေးဆိုင်ရာ အလွှာအဆင့်ဆင့်ကို ဖန်တီးထားသည့်အလျှောက် ငြိမ်းချမ်းစွာဖြေရှင်း နိုင်သည့် အခင်းအကျင်း အခွင့်အလမ်းလည်း ပိုမိုများပြားသည်ကို တွေ့ရပါသည်။ ထို့အပြင် ဒေသဆိုင်ရာ ခေါင်းဆောင်များကိုလည်း လက်ရှိ နိုင်ငံရေးအခင်းအကျင်းက ၎င်းတို့ပိုမို အကျိုးများသည်ကို ပုိုမို လက်ခံလာစေသည်။ ထို့ကြောင့်လည်း ဖယ်ဒရယ်စနစ်တွင် ဒေသခံ ခေါင်းဆောင်များအနေဖြင့် လက်နက်ကိုင် တော်လှန်ရေးကို ဆင်နွှဲလိုမှု ပိုမိုနည်းပါးသည်ကို တွေ့ရသည်။ ပျမ်းမျှခြင်းအားဖြင့် လက်နက်ကိုင် တော်လှန်ရေးဆင်နွှဲသည့် အရေအတွက်မှာ ဖယ်ဒရယ်တိုင်းပြည်သည် တပြည်ထောင်စနစ် ကျင့်သုံးသည့် တိုင်းပြည်အောက် ထက်ဝက်ကျော်ခန့် နည်းပါးသည်ကို တွေ့ရသည်။ ဖယ်ဒရယ် ပုံသဏ္ဍာန် ကျင့်သုံးသည့် အာဏာရှင်နှင့် တပြည်ထောင်စနစ် အာဏာရှင်ကို နှိုင်းယှဉ်ပါက ဖယ်ဒရယ် အာဏာရှင်က ပိုမိုကောင်းမွန်သည်ကို တွေ့ရသည်။ တပြည်ထောင် အာဏာရှင်နုိုင်ငံများတွင် လက်နက်ကိုင် ပုန်ကန်မှုနှုန်းမှ ဖယ်ဒရယ် အာဏာရှင်နိုင်ငံများထက် ၄ ဆခန့် ပိုမိုများသည်ကို တွေ့ရသည်။


ဇယားပါ အချက်အလက်များကို ကြည့်ပါက ဒီမိုကရေစီနိုင်ငံရှိ လူနည်းစုများ၏ အပြုမူမှာ အမျိုးမျိုး ကွဲပြား နေသည်ကို တွေ့ရမည်ဖြစ်သည်။ လူနည်းစုများ၏ လက်နက်ကိုင် တော်လှန်ရေး လှုပ်ရှားမှုမှာ ဖယ်ဒရယ် ဒီမိုကရေစီနိုင်ငံများတွင် ပိုမိုမြင့်မားနေသည်ကို တွေ့ရလိမ့်မည်။ သို့သော် အသေးစိတ် ကြည့်ရှုပါကမူ အိန္ဒိယနိုင်ငံ၏ ကိန်းဂဏန်းကြောင့် ပိုမိုမြင့်မားသွားရသည် ကိုတွေ့ရပါ လိမ့်မည်။ အကယ်၍ အိန္ဒိယနို်င်ငံ၏ ကိန်းကဏန်းကို ဖယ်ထုတ်လိုက်ပါက ဖယ်ဒရယ်ဒီမိုကရေစီ နိုင်ငံများရှိ လက်နက်ကို် ပဋိပက္ခမှာ တပြည်ထောင် နိုင်ငံများအောက် ထက်ဝက်ခန့် နည်းပါးသွားသည်ကို တွေ့ရမည်။ အိန္ဒိယနိုင်ငံ၏ ကွဲပြားခြားနားမှုမှာ အထူးအာရုံစိုက်ရမည့် ကိစ္စဖြစ်သော်လည်း အ်ိန္ဒိယ၏ ကိန်းဂဏန်း မပါဝင်ပါက ကွဲပြားခြားနားမှု အလွန်ကြီးမားသည်ကို တွေ့ရပါသည်။ ဖယ်ဒရယ် ဒီမိုကရေစီစနစ် ကျင့်သုံးနေသည့် ဖွံ့ဖြိုးနိုင်ငံများ၏ လူနည်းစုများက လက်ကိုင်တော်လှန်ရေး ဆင်နွှဲသည်ကိုမူ မတွေ့ရချေ။


ဖယ်ဒရယ်စနစ် အနေဖြင့် နုိုင်ငံရေးခွဲခြားဆက်ဆံမှုကို လျှော့ချနိုင်ပါသလား။ လျှော့ချနိုင်ပါသည်ဟူသော အဖြေဖြေဆိုရန် (အထူးသဖြင့် နယ်နမိတ်တခုတွင် စုစည်းနေသည့် လူနည်းစုများအတွက်) ခုိုင်လုံသော အကြောင်းပြချက် အများအပြား ရှိပါသည်။ အဓိကအားဖြင့် ဒေသခံ ကိုယ်စားလှယ်များအနေဖြင့် လူနည်းစုများ၏ အခွင့်အရေးကို အကာကွယ် မပေးထားနိုင်ပါက ၎င်းတို့အနေဖြင့် ထိုအကျိုးဆက်ကို ခံစားရမည်မှာ အသေအချာပင်ဖြစ်သောကြောင့်ပင်။ MAR အစီအရင်ခံစာ အရ နိုင်ငံရေးအရ ခွဲခြားဆက်ဆံမှုများမှာ ဖယ်ဒရယ်တုိုင်းပြည်များတွင် ပို၍နည်းပါးသည်ကို တွေ့ရပါသည်။ (ဇယား -၁ တွင် ရှုရန်) ဤကွာခြားချက်ကို ဒီမိုကရေစီနှင့် အာဏာရှင် စနစ်များတွင်လည်း တွေ့ရပါသည်။


တချို့က စီးပွားရေးနှင့် နိုင်ငံရေး ခွဲခြားဆက်ခံရမှု နည်းလေ နာကျည်းမုန်းတီးမှု နည်းလေဖြစ်သည်ဟု ဆိုကြပါသည်။ ဤအဆိုကိုလည်း တွေ့ရှိရသည့် အချက်အလက်များအရ မှန်ကန်သည်ဟု အတည်ပြုနိုင်ပါသည်။ ဇယား (၁) ၏ အောက်ခြေတွင် ဖော်ပြထားသည့် ကဏ္ဍ (၃) ခုမှ နာကျည်းမုန်းတီးမှုများကို နှိုင်းယဉ်ထားပါသည်။ (၁) နိုင်ငံရေး အခွင့်အရေး၊ (၂) စီးပွားရေးအခွင့်အရေး၊ (၃) ယဉ်ကျေးမှုအခွင့် အရေးတို့ ဖြစ်သည်။ ဖယ်ဒရယ်နိုင်ငံများတွင် နို်င်ငံရေးနှင့် စီးပွားရေးအရ နာကျည်းမုန်းတီးမှုမှာ သိသိသာသာ လျော့နည်းသည်ကို တွေ့ရသည်။ ယဉ်ကျေးမှုအရ နာကြည်းမှုမှာလည်း ဖယ်ဒရယ်နိုင်ငံများတွင် နည်းပါးသည်ကို တွေ့ရသော်လည်း တပြည်ထောင်နိုင်ငံများနှင့် ကိန်းဂဏန်းများအရ ကွာခြားမှု မကြီးမားသည်ကို တွေ့ရသည်။


အာဏာရှင်စနစ်တွင် လူအများအနေဖြင့် ပြစ်ဒဏ်ခတ်ခြင်းရန်မှ ကင်းလွတ်ရန် မိမိတို့၏ စိတ်ခံစားမှုများကို ဖော်ထုတ်လေ့ မရှိသဖြင့် ၎င်းတို့၏ မကျေနပ်မှုများနှင့် နာကျည်းမှုများကို တိုင်းတာရန် ခက်ခဲသော်လည်း ဒီမိုကရေစီတွင်မူ လေ့လာတိုင်းတာရန် မခက်ခဲလှချေ။ ဖယ်ဒရယ် ဒီမိုကရေစီစနစ်ရှိ လူနည်းစုအုပ်စုများသည် အခြေခံအားဖြင့် နိုင်ငံရေးနှင့် စီးပွားရေးအရ မကျေနပ်မှုနှင့် နာကျည်းမှုတွင် တပြည်ထောင်စုရှိ လူနည်းစုများထက် လျော့ပါးသည်ကို တွေ့ရပါသည်။ သို့သော် ယဉ်ကျေးမှုနှင့် လူမှုအခွင့်ရေးများနှင့် ပတ်သက်လျှင် ဖယ်ဒရယ် ဒီမိုကရေစီနိုင်ငံများတွင် ပို၍ မြင့်မားသည်ကို တွေ့ရပါသည်။ အဘယ်ကြောင့် ပို၍မြင့်မားရခြင်း အကြောင်းအရင်းကိုမူ အတိအကျ မသိရသော်လည်း ကွာခြားချက် အနည်းငယ်သာရှိသဖြင့် မကျေနပ်မှုနှင့် နာကျည်းမှုမှာ တူညီသည်ဟုပင် ဆိုရပေမည်။ မည်သို့ပင်ဖြစ်စေ ဖယ်ဒရယ်ဒီမိုကရေစီ တုိုင်းပြည်များနှင့် ပတ်သက်၍ တခုတည်းသော အားနည်းချက်ပင်ဖြစ်သည်။


ဇယား (၂) အစိုးရ၏ သက်တမ်းနှင့် ဖယ်ဒရယ်နှင့် တပြည်ထောင်စနစ်များအတွင်း လူနည်းစု ပြဿနာ ကိုင်တွယ်ဖြေရှင်းပုံ


ကိုင်တွယ် ဖြေရှင်းသည့် နည်းလမ်း


၂၅ နှစ် နှင့် အထက်


၂၅ နှစ်အောက်


၁၅ နှစ်အောက်


ဖယ်ဒရယ်


တပြည်ထောင်


ဖယ်ဒရယ်


တပြည်ထောင်


ဖယ်ဒရယ်


တပြည်ထောင်


လက်နက်ကုိုင် သူပုန်


ဝ.၇၆


၁.၂၈


၁.၆၉


၎.၀၅


၃.၃၈


၎.၂၅


နုိုင်ငံရေးအရ ခွဲခြား ဆက်ဆံမှု


၁.၂၆


၂.၀၇


၁.၈၈


၁.၉၃


၁.၅၀


၁.၇၆


စီးပွားရေးအရ ခွဲခြားဆက်ဆံမှု


၁.၁၄


၂.၀၀


၁.၇၅


၁.၈၄


၁.၂၅


၁.၈၀


နိုင်ငံရေးအရ မကျေနပ်မှု


၁.၄၆


၃.၁၉


၁.၆၃


၂.၉၉


၁.၇၅


၃.၀၂


စီးပွားရေးအရ မကျေနပ်မှု


၁.၇၈


၂.၇၈


၂.၄၄


၂.၄၄


၁.၃၈


၂.၄၆


ယဉ်ကျေးမှု အရ မကျေနပ်မှု


၁.၈၂


၂.၆၉


၁.၆၃


၂.၀၃


၁.၅၀


၂.၁၃


လေ့လာမှု အကြိမ်ရေ


၈


၉


၎


၂၀


၂


၁၅


အရင်းအမြစ်။ ။ဇယား (၁)


မှတ်ချက်။ ၁၉၈၀ ပြည့်နှစ်များအတွင်း အစိုးရအပြောင်းအလဲ လုပ်ဆောင်ခဲ့သော နိုင်ငံများကို လေ့လာဆန်းစစ်မှုတွင် ထည့်သွင်းမထားပါ။ အစိုးရသက်တမ်းကို (အာဏာရှင်နိုင်ငံများအတွက်) နောက်ဆုံး လုပ်ဆောင်ခဲ့သော နိုင်ငံတော်အာဏာသိမ်းမှုနှင့် ၁၉၈၀ ခုနှစ်ကြား နှစ်ကာလအဖြစ် ရေတွက်ပြီး (ဒီမိုကရေစီနိုင်ငံများအတွက်) ဒီမိုကရေစီစတင်ထူထောင်သော ခုနှစ်နှင့် ၁၉၈၀ ကြား နှစ်ကာလများကို ရေတွက်ပါသည်။


အထက်ပါ အချက်အလက်များသည် ဖယ်ဒရယ်နှင့် တပြည်ထောင်စနစ် နှစ်ခုကို စနစ်တကျ နှိုင်းယဉ်ထားသည့် ပထမဆုံး လေ့လာဆန်းစစ်ချက် ဖြစ်သော်လည်း အချက်အလက်များက ဖယ်ဒရယ်စနစ်သည် လူနည်းစုများကို စီမံခန့်ခွဲရာတွင် တပြည်ထောင်စနစ်ထက် ပို၍ အဆင်ပြေချောမွေ့သည်ကို ညွှန်ပြနေပါသည်။ MAR လေ့လာဆန်းစစ်ချက် ရလဒ်များက လူနည်းစုများနှင့် ပတ်သက်၍ ဖယ်ဒရယ်စနစ်က ပိုမိုကောင်းမွန်သည်ဆိုသည့် သုံးသပ်ချက်များကို ထောက်ခံနေရုံသာမက တခြားသော သီးခြား ရှုထောင့် နှစ်ခုကလည်း အထက်ပါ သုံးသပ်ချက်ကို ထပ်မံ ထောက်ခံအတည်ပြုနေသည်ကို တွေ့ရပါသည်။


ဖယ်ဒရယ်နှင့် ပတ်သက်၍ အခြားသောရှင်းလင်းချက်များ


ကျမတို့အနေဖြင့် တခြားသော အကြောင်းတရားတွေရဲ့ အကျိုးဆက်တွေကို ဖယ်ဒရယ်ကြောင့် ဖြစ်သည့် အကျိုးဆက်အဖြစ် မှားယွင်းစွာ မှတ်ယူနေခြင်းလား။ ဤမေးခွန်းကို ဖြေဆိုရန်မှာ သုတေသနပေါင်း မြောက်များစွာ လုိုအပ်ပါသည်။ အနုမာန မှန်းဆချက် (၂) ခုက ထိုမေးခွန်းကို ဖြေဆိုနိုင်လိမ့်မည်ဟု ထင်ပါသည်။ ပထမ အယူအဆမှာ တည်ငြိမ်မှုနှင့် သက်ဆိုင်ပါသည်။ ဆိုလိုချင်သည်မှာ တည်ငြိမ်သော အစုိုးရသည် မတည်ငြိမ်သော အစိုးရများထက် လူနည်းစုများကို ပိုမို၍ကောင်းစွာ စီမံခန့်ခွဲနိုင်သည်ဟု ဆိုပါသည်။ ထို့ကြောင့် ဖယ်ဒရယ်တိုင်းပြည်များသည် တပြည်ထောင်နိုင်ငံများထက် ပိုမိုတည်ငြိမ်သည်ဟု ဆိုပါက ကျမတို့အနေဖြင့် ဖယ်ဒရယ်စနစ်ကြောင့် ဖြစ်ပေါ်သည့် အကျိူးထက်စာလျှင် တည်ငြိမ်မှု၏ အကျိုးဆက်ကြောင့် ဖြစ်သည်ဟု ဆုိုရပါလိမ့်မည်။


အမှန်တကယ်အားဖြင့် MAR က ကောက်ခံရရှိသော အချက်အလက်များအရ ဖယ်ဒရယ် နိုင်ငံများသည် တပြည်ထောင် နိုင်ငံများထက်ပို၍ တည်ငြိမ်သည်ဆိုသည့် အချက်ကုို ညွှန်ပြနေပါသည်။ ၁၉၈၀ ခုနှစ် MAR စီမံကိန်း စတင်သည့် အချိန်တွင် ဖယ်ဒရယ်နိုင်ငံများ၏ ပျမ်းမျှသက်တမ်းမှာ ၂၀ ဒသမ ၅ ဖြစ်ပြီး တပြည်ထောင်နိုင်ငံများ၏ သက်တမ်းမှာ ၁၄ ဒသမ ၄ နှစ်သာရှိသည်။ အစုိုးရ၏တည်ငြိမ်မှုနှင့် သက်တမ်းက အရေးပါသော အခြေအနေ တရပ်ဟုဆိုစေကာမူ ဖယ်ဒရယ်စနစ်၏ အခန်းကဏ္ဍမှာ အဓိကကျနေသေးသည်ဟု ဆိုရပေလိမ့်မည်။ အချက်အလက်များအရ တည်ငြိမ်မှုက လူနည်းစုများကို လက်ခံနို်င်ခြင်းအတွက် အဓိကမကျဘဲ ဖယ်ဒရယ်စနစ်ကသာ အဓိကကျသော အချက်ဖြစ်သည်ဟု ဆိုပါသည်။ ထို့အပြင် ဖယ်ဒရယ်စနစ်က အစိုးရ၏ တည်ငြိမ်မှုကို ပိုမိုအားပေးနေသည်ဟုပင် ဆိုရပေလိမ့်မည်။ အဘယ်အကြောင့်ဆိုသော် ဖယ်ဒရယ် နိုင်ငံများရှိ လူနည်းစုများက လက်နက်ကိုင် တော်လှန်ရေး ဆင်နွဲမှု ပို၍နည်းသည် ဆိုသည့် အချက်များကြောင့်ပင် ဖြစ်သည်။


ဖယ်ဒရယ်စနစ်၏ အကျိုးဆက်က နို်င်ငံ၏အုပ်ချုပ်ရေး တည်ငြိမ်မှုနှင့် မပတ်သက်ဘဲ သီးခြားဖြစ်သည်ဟုဆိုပါက ကြွယ်ဝချမ်းသာမှုနှင့် ပတ်သက်မှု ရှိပါသလားဟု မေးရပါလိမ့်မည်။ ယေဘုယျအားဖြင့် ကြွယ်ဝချမ်းသာသော နိုင်ငံများသည် အရင်းအမြစ်များ ပိုမိုများပြားသည့်အလျောက် လူနည်းစုများကို ပိုမို လက်ခံ အားပေးနို်င်ကြသည် ဆိုရပေမည်။ ထို့အပြင် ဖယ်ဒရယ်နို်င်ငံများနှင့် တပြည်ထောင်နိုင်ငံများ၏ ဂျီဒီပီကို နှိုင်းယှဉ်ပါက ဖယ်ဒရယ်နိုင်ငံများက ပို၍ချမ်းသာ ကြွယ်ဝကြသည်ကိုလည်း တွေ့ရသည်။ ၁၉၈၀ ခုနှစ်များတွင် တကမ္ဘာလုံးတွင် ဖယ်ဒရယ်နို်င်ငံ ၁၈ နိုင်ငံရှိပြီး နယ်နမိတ်အခြေခံ လူနည်းစုများရှိသော ဖယ်ဒရယ်နို်င်ငံ ၁၄ နိုင်ငံ၏ အချက်အလက်များအရ ထို ၁၄ နိုင်ငံမှာ ကမ္ဘာ့အချမ်းသာဆုံး နိုင်ငံများတွင် ပါဝင်နေသည်ကို တွေ့ရသည်။ ထိုနိုင်ငံများ၏ ပျမ်းမျှတဦးချင်းဝင်ငွေမှာ တပြည်ထောင် နိုင်ငံများထက် အမေရိကန်ဒေါ်လာ ၃၀၀၀ ခန့် ပိုများသည်ကို တွေ့ရသည်။


ဇယား (၃) တဦးချင်း ပြည်တွင်းထုတ်ကုန်ပမာဏ၊ ဖယ်ဒရယ်နှင့် တပြည်ထောင်စနစ်များအတွင်း လူနည်းစုပြဿနာကို ကိုင်တွယ်ဖြေရှင်းပုံ


ဖြေရှင်းသည့်နည်းလမ်း


အမေရိကန်ဒေါ်လာ


၆၀၀၀ ကျော်


အမေရိကန်ဒေါ်လာ


၆၀၀၀ အောက်


အမေရိကန်ဒေါ်လာ


၃၀၀၀ အောက်


ဖယ်ဒရယ်


တပြည်ထောင်


ဖယ်ဒရယ်


တပြည်ထေင်


ဖယ်ဒရယ်


တပြည်ထောင်


လက်နက်ကိုင်သူပုန်


ဝ.၇၂


၁.၈၁


၁.၀၇


၃.၂၆


၃.၇၈


၃.၈၀


နိုင်ငံရေးအရ ခွဲခြားဆက်ဆံမှု


ဝ.၈၄


၁.၅၀


၂.၁၉


၂.၂၂


၂.၂၅


၂။၁၄


စီးပွားရေးအရ ခွဲခြားဆက်ဆံမှု


ဝ.၇၆


၁.၈၃


၂.၂၀


၂.၀၉


၂.၁၇


၁.၈၅


နိုင်ငံရေးအရ မကျေနပ်မှုများ


၁.၁၇


၃.၃၃


၂.၁၅


၃.၁၆


၂.၃၃


၃.၂၅


စီးပွားရေးအရ မကျေနပ်မှုများ


၁.၃၂


၃.၂၂


၃.၄၅


၂.၅၁


၂.၂၉


၂.၅၆


ယဉ်ကျေးမှုအရ မကျေနပ်မှုများ


၁.၇၈


၂.၅၃


၁.၉၂


၂.၂၁


၁.၉၂


၂.၂၆


လေ့လာမှုအကြိမ်ရေ


၆


၆


၈


၂၇


၂


၁၈


အရင်းအမြစ်။ ။ဇယား (၁)


မှတ်ချက်။ GDP ကို ၁၉၈၀ ခုနှစ်ကနေ ၁၉၈၉ ခုနှစ်အတွင်း ကိန်းဂဏန်းများအပေါ် ပျှမ်းမျှတွက်ယူထားခြင်းဖြစ်ပြီး ၀ယ်ယူသုံးစွဲနိုင်စွမ်း ညီမျှခြင်း Purchasing Power Parity (PPP) ဖြင့် တိုင်းတာသည်။ အချက်အလက်များကို Penn World Tables ဖြင့် ပြသထားသော နှစ်များအတွက် ပျှမ်းမျှ တွက်ယူထားခြင်း ဖြစ်သည်။


ကြွယ်ဝချမ်းသာမှုကို အပုိုင်း ၃ ပိုင်းခွဲကာ လေ့လာခြင်းဖြင့် ဖယ်ဒရယ်စနစ်၏ သက်ရောက်မှု ပိုမိုထင်ရှားစေပါသည်။ (ဇယား ၃ ကို ကြည့်ရန်)။ ဝင်ငွေ အမေရိကန်ဒေါလာ ၆၀၀၀ နှင့် ၎င်းအထက် ရှိသော နိုင်ငံများမှာ လူနည်းစုများကို လက်ခံနိုင်မှု ပိုမိုမြင့်မားသည်ကို တွေ့ရသည်။ ဝင်ငွေ ၆၀၀၀ အောက် နိုင်ငံများတွင် ဖယ်ဒရယ်စနစ်၏ သက်ရောက်မှုမှာ တသတ်မတ်တည်း မဖြစ်သည်ကို တွေ့ရသည်။ ထိုအခြေအနေမျိုးတွင် တပြည်ထောင်စနစ်က ဖယ်ဒရယ်စနစ်ထက် စီးပွားရေး ခွဲခြားဆက်ဆံမှုနှင့် စီးပွားရေးအရ မကျေနပ်မှုများကို ပိုမိုသက်သာစေသည်ကို တွေ့ရသည်။ ဝင်ငွေ ၃၀၀၀ အောက် နိုင်ငံများတွင် ဖယ်ဒရယ် နိုင်ငံများက တပြည်ထောင်နိုင်ငံများထက် စီးပွားရေးနှင့် နိုင်ငံရေး ခွဲခြားဆက်ဆံမှု ပိုများသည်ကုို တွေ့ရသည်။ သို့ဖြစ်ပါ၍ အတိုင်းအတာ တခုအထိ ကြွယ်ဝချမ်းသာသော နိုင်ငံများတွင် ဖယ်ဒရယ်စနစ်၏ ကောင်းကျိုးကို တွေ့ရပြီး ထိုအခြေအနေအောက်ရှိ နိုင်ငံများတွင် ဖယ်ဒရယ်နှင့် တပြည်ထောင်နိုင်ငံများ၏ ကွာခြားချက်မှာ တသတ်မတ်တည်း မရှိသည်ကို တွေ့ရသည်။


ဆင်းရဲသောနိုင်ငံများနှင့် ပတ်သက်သည့် အချက်အလက်များမှာ မေးခွန်းထုတ်စရာ အငြင်းပွားစရာ ရှိသော်လည်း၊ သေချာသည်မှာ ဖယ်ဒရယ်စနစ်သည် ချမ်းသာကြွယ်ဝသော အခြေအနေတွင် သက်ရောက်မှု ပိုမိုမြင့်မားသည်မှာ အသေအချာပင် ဖြစ်သည်။ သို့သော် သီးခြားဖြစ်သော အခြေအနေ အမျိုးမျိုးတွင် အင်စတီကျုးရှင်းတခု အနေဖြင့် တသတ်မတ်တည်း အကျိုးသက်ရောက်မှု ဖြစ်ရန်မှာ မဖြစ်နိုင်ချေ။ အထူးသဖြင့် ဖယ်ဒရယ်စနစ်အနေဖြင့် အင်စတီကျူးရှင်း အဆင့်ဆင့်ဖြင့် ဖွဲ့စည်းထားပြီး ဆုံးဖြတ်ချက် ချမှတ်ရာတွင် လူအများစု၏ ဆန္ဒအတိုင်း (သုို့မဟုတ်) လူအားလုံးက သဘောတူလက်ခံသည့်နည်း စသည့်ဖြင့် နည်းအမျိုးမျိုးကို အသုံးပြုမည်ဖြစ်သည့်အလျောက် ၎င်း၏သက်ရောက်မှုမှာ တနေရာနှင့် တနေရာ ကွဲပြားနေမည်ဖြစ်သည်။


သို့သော် ဖယ်ဒရယ်စနစ်သည် ဆင်းရဲသော နိုင်ငံများထက် ချမ်းသာကြွယ်ဝသော နိုင်ငံများတွင် ပိုမို အလုပ်ဖြစ်သည်ဟု ဆိုခြင်းမှာ ဖွံ့ဖြိုးဆဲ နိုင်ငံများ၏ နယ်နမိတ်အခြေခံ လူမျိုးစုပြဿနာများကို ဖြေရှင်းရန်အတွက် ဖယ်ဒရယ်စနစ်မှာ သင့်တော်သော နည်းလမ်းမဟုတ် မဆိုလိုချေ။ တခြားသော နည်းနာများမှာ ပို၍ ထိရောက်ကြောင်း အဆိုပြုလိုပါက ထိုအခြားနည်းနာများကို ပထမဦးစွာ ရှင်းလင်းရမည်ဖြစ်သည်။ နယ်နိမိတ် ကွဲပြားခြားနားမှုကြောင့် ဖြစ်ပွားသည့် ပဋိပက္ခများကို အခြားနည်းနာများဖြင့် မည်သုို့ဖြေရှင်း နိုင်မည်နည်း ဆိုသည်ကို ဖော်ထုတ်ရန်လုိုအပ်ပါသည်။






အပိုင်း (၃)


ဖက်ဒရယ်မှုပြုခြင်းနှင့် အခြားမူဝါဒများ


ဖက်ဒရယ်စနစ်ကို မူဝါဒများကို အကောင်အထည်ဖော်သည့် အင်စတီကျုးရှင်းအစုဟု အဓိပ္ပါယ်ဖွင့်ဆိုပါက ဖက်ဒရယ်မှု ပြုခြင်းကို ထိုအင်စတီကျုးရှင်းများ ထူထောင်ခြင်း ဟုဆိုရပါမည်။ ထို့ကြောင့် ဖက်ဒရယ်စနစ် ကိုယ်တိုင်က မူဝါဒတခုဖြစ်သည့်အလျောက် တခြားသော မူဝါဒတစ်ခုနှင့် စနစ်တကျ နှိုင်းယဉ်ရန် လိုအပ်သည်။ တနိုင်ငံလုံး အတိုင်းအဆင့် (သို့မဟုတ်) ဒေသန္တရအဆင့်တွင် ဖက်ဒရယ်စနစ်ကို အကောင်အထည် ဖော်ရာတွင် ဝေဖန်သူများ ထောက်ပြသကဲ့သုို့ စိုးရိမ် စရာမရှိသည့်အပြင် တခြားသောမူဝါဒများကို အကောင်အထည် ဖော်သလောက် အကုန်အကျလည်း မများချေ။


ပထဝီနယ်နိမိတ်အခြေခံ လူမျိုးစုကွဲပြားမှု ပြဿနာများနှင့် ရင်ဆိုင်နေရသော ခေါင်းဆောင်များအဖို့ ပြဿနာကို မဖြေရှင်းဘဲထားခြင်းနှင့် ငြိမ်းငြိမ်းချမ်းချမ်းဖြင့် ခွဲထွက်ခွင့်ပြုခြင်း စသည့် နည်း ၂ နည်း မဟုတ်ဘဲ ရွေးချယ်စရာ နည်းလမ်း ၄ ခုရှိပါသည်။ (၁) ယဉ်ကျေးများ ပေါင်းစည်းသွားစေခြင်း၊ (၂) အကူအညီ အထောက်အပံ့ပေးခြင်း၊ (၃) နိုင်ငံရေးပါတီ အခြေခံကာ ပူးပေါင်းဆောင်ရွက်ခြင်း၊ (၄) အင်အားသုံး ဖိအားပေးခြင်း စသည်တို့ဖြစ်သည်။


ယဉ်ကျေးမှုများ ပေါင်းစည်းသွားစေခြင်းနည်းသည် လက်တွေ့တွင် အကောင်အထည်ဖော်ရန် အလွန်ခက်ခဲလေ့ရှိသည်။ အထူးသဖြင့် လူမျိုးများအကြား ကွဲပြားမှုအလွန်ကြီးမားပြီး ပဋိပက္ခအဆင့် ရောက်နေသည့် အခြေအနေမျိုးတွင် အကောင်အထည်ဖော်ရန် ခက်ခဲပါလိမ့်မည်။ အကယ်၍ လူအဖွဲ့အစည်းအတွင်းရှိ အခြေအနေများက ယဉ်ကျေးမှု ပေါင်းစည်းခြင်းအတွက် လူမျိုးတခုနှင့်တခု ရောနှောနေထိုင်ခြင်း၊ လက်ထပ်ထိမ်းမြားခြင်း စသဖြင့် အလေ့အထများကို အားပေးစေကာမူ ဤဖြစ်စဉ်မှာ အချိန် အမြောက်အများ လိုအပ်သည့် ရေရှည်ဖြစ်စဉ်ကြီး တခုသာဖြစ်သည်။


ကားလ် ဒတ်ရှ် (Karl Deutsch) က လူမျိုးစုများတခုနှင့် တခု လုံးဝပေါင်းစည်းသွားရန် အနည်းဆုံး နှစ် ၃၀၀ မှ ၇၀၀ လိုအပ်သည်ဟု ဆိုပါသည်။ ပို၍ဆိုးသည်မှာ မည်မျှပင် ကြာစေကာမူ အမှန်တကယ် ပေါင်းစည်းရန် မသေချာခြင်းပင် ဖြစ်သည်။ ထို့ကြောင့် ပညာရှင်များက လူမျိုးစုများကွဲပြားမှုနှင့် လူမျိုးစု ပဋိပက္ခတို့၏ အဆက်အစပ်ကို လေ့လာရန် စတင်ကြိုးပမ်းလာကြသည်။ ဒန်နီယယ် ထရိုက်စ်မန်း (Daneil Treisman) က ရုရှားနိုင်ငံ၏ ပဋိပက္ခကို လေ့လာရာတွင် ခွဲထွက်ရေးလှုပ်ရှားမှုနှင့် လူမျိုးစုကွဲပြားမှုမှာ ဆက်စပ်မှုမရှိသည်ကို တွေ့ရှိရပြီး တခြားနိုင်ငံများကို လေ့လာရာတွင်လည်း အလားတူပင် ဘာသာစကားကွဲပြားမှုနှင့် ဘာသာရေးကွဲပြားမှုတို့က လူမျိုးရေး ပဋ်ိပက္ခနှင့် ဆက်စပ်ခြင်း မရှိသည်ကို တွေ့ရသည်ဟု ဆိုပါသည်။ ထို့အပြင် အရှုတော့ ဗာသျှနီ (Ashutosh Varshney) က အိန္ဒိယနိုင်ငံ၏ လူမျိုးရေးပဋိပက္ခမှာ လူမှုဗေဒ ကွဲပြားမူကြောင့်မဟုတ်ဘဲ အဖွဲ့အစည်း အသင်းအပင်းဆိုင်ရာ ကွဲပြားမှုကြောင့် ပိုမိုများပြားသည်ဟု ဆိုပါသည်။ စတီဖင် ဆာဒီမန်း (Stephen Saidemann) နှင့် အာ ဝီလျံ အိုင်ယာ (R. William Ayres) တို့ကလည်း တခြားသော နိုင်ငံများကို လေ့လာရာတွင် ၁၉၉၀ ပြည့်နှစ်များတွင် ပေါ်ပေါက်ခဲ့သော ခွဲထွက်ရေး လှုပ်ရှားမှုများမှာ များသောအားဖြင့် လူမျိုးကွဲပြားမှု နည်းသော နိုင်ငံများတွင် ပိုမိုများပြားသည်ကို တွေ့ရသည်။


အထောက်အပံ့ပေးခြင်းသည် နိုင်ငံခေါင်းဆောင်များ အနေဖြင့် နယ်နမိတ်အခြေခံ လူမျိုးရေး အကွဲအပြဲကို လျှော့ချရန်အတွက် အသုံးပြုနို်င်သည့် မူဝါဒတခုပင်ဖြစ်သည်။ သို့သော် ဤမူဝါဒသည်လည်း ဆင်းလုံးချော ပြည့်စုံသည်တော့ မဟုတ်ချေ။ ဦးစွာအနေဖြင့် အထင်ရှားဆုံး ပြဿနာမှာ နိုင်ငံ အတော်တော်များများတွင် ချို့တဲ့သော ဒေသများအတွက် ထောက်ပံ့ရန် လိုအပ်သည့် အနိမ့်ဆုံး ရန်ပုံငွေ ပမာဏပင် မရှိခြင်း ဖြစ်သည်။ ဒုတိယအချက်မှာ အကယ်၍ ရန်ပုံငွေကြေး လုံလောက်ခဲ့လျှင်လည်း ဗဟိုရှိ လူများစု ခေါင်းဆောင်များ အနေဖြင့် ပဋိပက္ခပြင်းထန်နေသည့် ဒေသများသို့ ထိုရန်ပုံငွေကို လွှဲပြောင်းပေးရန် တွန့်ဆုတ်နေမည်ဖြစ်သည်။ တတိယအချက်မှာ ထိုလွှဲပြောင်းလိုက်သည့် ရန်ပုံငွေများသည် ထိုဒေသကို မည်သို့သော အကျိုးသက်ရောက်မူမျိုး ဖြစ်ပေါ်မည်ကို ခေါင်းဆောင်များ အနေဖြင့် မမှန်းဆနိုင်ခြင်းပင် ဖြစ်သည်။ ဗဟုိုအစိုးရက လွှဲပြောင်းပေးလုိုက်သည့် ရန်ပုံငွေများက ပဋိပက္ခကို လျော့ပါးစေမည်လော၊ သို့မဟုတ် မလိုလားအပ်သော တခြား အကျိုးဆက်များ ပေါ်ပေါက်လာမည်လော ဆိုသည်မှာ မသေချာချေ။


မြောက်အုိုင်ယာလန်ရှိ ကက်သလစ်များက ဗြိတိန်အစိုးရ၏ သက်သာချောင်ချိရေး ရန်ပုံငွေကို လွှဲပေးရန် တောင်းဆိုရာ ရှုံးနိမ့်သွားကြသည်။ ပြင်သစ်အပေါ် သစ္စာရှိသည့် ကော်ဆီကန်ကျွန်းမှာ တခြားသော ဒေသများထက် ရန်ပုံငွေပမာဏ ပိုမို ရရှိသော်လည်း ပြဿနာများ ပြေလည်သွားခြင်း မရှိသည်ကို တွေ့ရသည်။ အရှေ့ဥပရောပတွင်လည်း ထိုနည်းလည်းကောင်းပင် ဖြစ်သည်။ ဆိုဗီယက်တို့က ဖွံ့ဖြိုးရေး ရန်ပုံငွေများ လွှဲပြောင်းပေးခြင်းဖြင့် အရှေ့ဥပရောပ အနေဖြင့် ဗဟိုအစိုးရနှင့် ဆိုဗီယက်ယူနီယံအပေါ် ပိုမို သစ္စာရှိလာမည်ဟု ယုံကြည်ခဲ့သော်လည်း ထိုယုံကြည်ချက်မှာ အဟောသိကံ ဖြစ်သွားခဲ့ရသည်။ ဖွံ့ဖြိုးဆဲနိုင်ငံများကို လေ့လာပြီးနောက် ဒေါ်နယ် ဟောရိုးဝစ်က “ဆင်းရဲသော ဒေသများအနေဖြင့် ချမ်းသာကြွယ်ဝသော ဒေသများနှင့် ဆက်စပ်မှု များပြားလာပါက ပြဿနာများ ပိုမို ပြေလည်သွားသည် ဆိုသည့် အဆိုမှာ ဝိရောဓိ ဖြစ်စရာပင် ဖြစ်သည်။ ပြဿနာများ ပြေလည် မသွားဘဲ ပြန်၍ပေါ်လာသည်က ပိုမိုများသည်” ဟု ကောက်ချက်ဆွဲပါသည်။


ပထဝီနယ်နိမိတ် ကွဲပြားမှုကြောင့် ဖြစ်ပွားသော ပြဿနာကို ဖြေရှင်းနိုင်မည့် တတိယနည်းမှာ လူနည်းစုများကို အမျိုးသားအဆင့် ပါတီများတွင် ပူးပေါင်းပါဝင်စေခြင်းပင် ဖြစ်သည်။ ဤနည်းနာမှာ နိုင်ငံတော်တော်များများတွင် ကာလ အတန်ကြာသည့်တိုင် အောင်မြင်သည့်နည်းနာ တခုပင်ဖြစ်သည်။ UK တွင် စကော့လူမျိုး နိုင်ငံရေးခေါင်းဆောင်များကို ဗြိတိန်ပါတီများတွင် အရေးကြီးသည့် ခေါင်းဆောင်မှု နေရာပေးကာ ပူးပေါင်းစဉ်ကာလများတွင် စကော့တလန်၌ စကော့လူမျိုး မဟုတ်သည့် ခေါင်းဆောင် ဦးဆောင်သည့်ကာလ မရှိသလောက် နည်းပါးသည့်အပြင် ၎င်းတို့က မဲမပေးဘဲ အာဏာရလာသည့် ပါတီ မရှိသလောက် နည်းပါးခဲ့သည်။ အိန္ဒိယနိုင်ငံ၏ ထူးခြားသော သာဓကမှာ နယ်နိမိတ်အလိုက် ကွဲပြားနေသည့် လူမျိုးစုများကို လူမျိုးစုံပါဝင်သည့် အမျိုးသားအဆင့် ပါတီကြီးဖြစ်သည့် ကွန်ကရက်ပါတီက ပူးပေါင်းရန် ဆောင်ရွက်ပေးနိုင်ခဲ့သည်။ မလေးရှားနိုင်ငံတွင်မူ လွတ်လပ်ရေးရချိန်တွင် တရုတ်လူမျိုးနှင့် မလေးလူမျိုးများကြား ပဋိပက္ခမှာ ပြင်းထန်လွန်းလှသဖြင့် ပြည်တွင်းစစ် ဖြစ်လုနီးပါးဖြစ်ခဲ့ရသော်လည်း လူမျိုးစုအကြား မဟာမိတ်ဖွဲ့ထားသည့် မဟာမိတ်ပါတီက လူမျိုးစုအကြား တည်ငြိမ်မှုကို ဆယ်စုနှစ်ပေါင်းများစွာ ထိန်းသိမ်းထားနိုင်ခဲ့သည်။


သို့သော်လည်း ပူးပေါင်းပါဝင်မှုကို နိုင်ငံရေးပါတီများ မှတဆင့်ကသာ ဆောင်ရွက်ခြင်းသည် အလွန်ခက်ခဲပြီး အန္တရာယ်များသော နည်းနာဖြစ်သည်။ ရေရှည်တည့်တံ့သည့် နိုင်ငံရေးပါတီတခု ဖြစ်ရန် အလွန်တရာ ခက်ခဲသော ကိစ္စဖြစ်ပြီး လွတ်လပ်ရေးရယူခြင်း သို့မဟုတ် အစိုးရ အပြောင်းလဲပြုလုပ်ခြင်း စသည့် ကြီးမားသော နိုင်ငံရေး အပြောင်းအလဲမရှိဘဲ ပူးပေါင်းဆောင်ရွက်ကြရန်မှာ မဖြစ်နိုင်ချေ။ သို့သော်လည်း ပဋိပက္ခနှင့် ရင်ဆိုင်နေရသော နိုင်ငံတော်တော်များတွင် တိုင်းရင်းသားလူမျိုး အားလုံး ပါဝင်သည့် နိုင်ငံရေးပါတီ ထူထောင်ရန် အခွင့်အလမ်းမှာ ပြီးဆုံးသွားခဲ့ကြပြီး ဖြစ်သည်။ အကယ်၍ ပါတီကို အောင်အောင်မြင်မြင် ထူထောင်နိုင်ခဲ့ စေကာမူ လူမျိုးစုံ ပါတီတခုအနေဖြင့် လူမျိုးတမျိုးတည်းဖြင့် စုစည်းထားသည့် ပါတီကို အနိုင်ရရန် ခက်ခဲလေ့ရှိသည်။


သက်ချာပါတီ၏ ပြုပြင်ပြောင်းလဲရေးက စကော့တလန်၏ ချိန်ခွင်လျှာ အပြောင်းအလဲကို ဖြစ်စေခဲ့ပြီး စကော့တလန် အမျိုးသားပါတီကို ပိုမိုပံ့ပိုးပေးလိုက်သလို ဖြစ်သွားခဲ့သည်။ လူထုထောက်ခံမှု အကြီးအကျယ် ကျဆင်းခဲ့ရသည့် ကွန်ကရက်ပါတီ အနေဖြင့် ပါတီခေါင်းဆောင်ပိုင်းအတွက် စုိုးရိမ်စရာဖြစ်ခဲ့ရပြီး အင်ဒီရာဂန္ဒီကို စစ်တပ်အင်အားကို အသုံးချခဲ့ရသည့် အခြေအနေကို တွန်းပို့ခဲ့သည်။ အကယ်၍ လူနည်းစု ပြဿနာများကို ဖြေရှင်းရေးသည် ပါတီတခု၏ မူဝါဒနှင့် စီမံခန့်ခွဲမှု တခုတည်း သက်သက်တွင်သာ အခြေခံထားပါက ရွေးကောက်ပွဲ အနိုင်အရှုံး ရလဒ်အပြောင်းအလဲက လူနည်းစုများ၏ အခြေအနေကို အဆုံးဖြတ်ပေးသလို ဖြစ်နေလိမ့်မည်။


မည်သို့သော ချို့ယွင်းချက် အားနည်းချက်များ ရှိစေကာမူ ပါတီများမှတဆင့် ပူးပေါင်း ဆောင်ရွက်ခြင်းသည် အင်အားသုံး ဖြေရှင်းရေးထက်ပို၍ အောင်မြင်သည်ကို တွေ့ရသည်။ စတုတ္ထနည်းနာဖြစ်သည့် အင်အားသုံးကာ ဖြေရှင်းသည့် နည်းလမ်းမှာ ထိရောက်မှု မရှိသည့်အပြင် ကျင့်ဝတ်သိက္ခာအရ လက်ခံနိုင်ဖွယ်ရာ မရှိသော နည်းလမ်းဖြစ်သည်။ သီရိလင်္ကာနုိုင်ငံရှိ တမီလ်လက်နက်ကိုင်များ ထိန်းချုပ်ထားသည့် ဒေသတွင် ဗုဒ္ဓဘာသာကို ဦးစားပေးထားသည့်စနစ်နှင့် အရည်အချင်းပြည့်မီသည့် တမီလ်ကျောင်းသားများကို အဆင့်ပညာရေးသို့ မတက်လှမ်းနိုင်ရန် ကန့်သတ်ထားသည့် စာမေးပွဲစနစ်က တမီလ်မျိုးဆက် တဝက်ခန့်ကို ခွဲထွက်ရေး အဖွဲ့အစည်းများဆီသို့ တွန်းပို့လိုက်သကဲ့သို့ ဖြစ်ခဲ့သည်။


တူရကီနိုင်ငံ၏ ပိုင်ဆိုင်မှုများ ကိုသိမ်းယူခြင်း၊ အတင်းအဓမ္မ နေရာပြောင်းရွေ့ခြင်းနှင့် လေကြောင်းဖြင့် ဗုံးကြဲ တိုက်ခိုက်မှုများက ၁၉၆၀ ပြည့်နှစ်များက ပေါ်ပေါက်ခဲ့သော ကာဒစ်ရှ် အမျိုးသားရေး လှုပ်ရှားမှု၏ ဇာစ်မြစ်ပင် ဖြစ်သည်။ မက္ကစီကုိုနိုင်ငံတွင် ၁၉၈၀ ပြည့်နှစ်များက Chiapas ဒေသရှိ ငြိမ်းချမ်းစွာ လှုပ်ရှားနေသော လယ်သမားများကို အကြမ်းဖက် နှိမ်နှင်းလုိုက်ခြင်းသည် ၁၉၉၀ ခုနှစ် လက်နက်ကိုင်တော်လှန်ရေး ဆင်နွှဲရခြင်း၏ အခြေခံ အုတ်မြစ်ပင် ဖြစ်သည်။ စက်မှုဖွံ့ဖြိုးပြီး နိုင်ငံများတွင်လည်း ထိုနည်းလည်းကောင်းပင် ဖြစ်သည်။ မာဂရက် သက်ချာ၏ တင်းမာသည့် မြောက်အိုင်ယာလန် မူဝါဒက ဆင်ဖိန်းနှင့် IRA လှုပ်ရှားမှုကို ပိုမို အားကောင်းစေခဲ့ပါသည်။


အင်အားသုံး ဖိအားပေးဖြေရှင်းမှု၏ ရေရှည်အကျိုးဆက်မှာ ကျူးလွန်သူများ ထင်မှတ်ထားသည် ထက် ပိုမို ဆိုးဝါးပြီး ထိုဆိုးကျိုးကို ထင်မှတ်ထားသည်ထက် နှစ်ပေါင်းများစွာကြာအောင် ခံစားကြရသည်ကို တွေ့ရပါသည်။ ရေတို ဆိုးကျိုးမှာလည်း အထူးသတိပြုရမည့် အရာဖြစ်သည်။ အင်အားသုံး ဖြေရှင်းခြင်းကြောင့် အသက်ဆုံးရှုံးရမှုများ သာမက ငွေကုန်ကြေးကျ များပြားမည်မှာ ဆိုဖွယ်ရာ မရှိချေ။ အကယ်၍ ထိုလူနည်းစုသည် နိုင်ငံတကာ အထောက်အပံ့ဖြင့် ရပ်တည်နေသည့် အုပ်စုများဖြစ်ပါက ငွေကြေးကုန်ကျ စရိတ်မှာ မထင်မှတ်ထားသည့် ပမာဏမျိုးအထိ မြင့်တက်သွားမည် ဖြစ်သည်။ ထို့အပြင် အင်စတီကျူးရှင်း တခုအနေဖြင့် ပေးဆပ်ရမည့်တန်ဖိုးမှာ ပို၍ပင် ကြီးမားပါသည်။ လက်နက် မကိုင်ထားသည့် အရပ်သားများကို အင်အားသုံး ဖြေရှင်းရသည့်အတွက် စစ်တပ်၏ ဂုဏ်သိက္ခာကို ထိခိုက်စေမည် ဖြစ်သည်။ အကယ်၍ စစ်သားများ သို့မဟုတ် အရာရှိများအနေဖြင့် တိုင်းရင်းသား စစ်ပွဲများသည် တရားမျှတမှု မရှိ၊ သို့မဟုတ် အောင်မြင်ရန် မလွယ်ကူဟု ထင်မှတ်လာသည် နှင့်အမျှ စစ်တပ်နှင့် နိုင်ငံရေးခေါင်းဆောင်များ အကြား မသင့်မမြတ်ဖြစ်မှု ပိုမိုကြီးမားလာမည် ဖြစ်သည်။ ထိုသို့သော မသင့်မမြတ်ဖြစ်မှုသည် စိုးရိမ်စရာကောင်းပြီး အန္တရာယ်ရှိသည်မှာ အသေအချာပင် ဖြစ်သည်။


ဖက်ဒရယ်စနစ်၏ အမှန်တကယ်နှင့် ဖြစ်နိုင်ချေ အကျိုးသက်ရောက်မှုများ


ဖက်ဒရယ်စနစ်ကို ကျင့်သုံးရာတွင် အကူအညီ အထောက်အပံ့ပေးခြင်း သို့မဟုတ် ပါတီအခြေခံ ပူးပေါင်း ဆောင်ရွက်စေခြင်း စသည်တို့ကသာ အကောင်းဆုံး နည်းနာဖြစ်သည်ဟု ကန့်သတ်၍ မရပေ။ အဘယ်ကြောင့်ဆိုသော် ဖက်ဒရယ်စနစ် တည်ထောင်ခြင်း သည်ပင်လျှင် တခုတည်းသော ရွေးချယ်စရာတော့ မဟုတ်ချေ။ သို့သော်လည်း ဗဟိုရှိ နိုင်ငံရေး ခေါင်းဆောင်များ အနေဖြင့် ဒေသတချို့ကို ကိုယ်ပိုင် အုပ်ချုပ်ခွင့်တချို့ပေးခြင်းမှာ အကြမ်းဖက်မှုနှင့် ခွဲထွက်ခွင့်ကို အားပေးရာ ရောက်သည်ဟု စိုးရိမ်သည်မှာ လက်တွေ့တော့ မကျချေ။ စပိန်နှင့် ဘယ်လ်ဂျီယံတို့တွင် ဖက်ဒရယ်စနစ်ကို တည်ထောင်လိုက်သဖြင့် သီးခြား အမှတ်လက္ခဏာ ထူထောင်မှုကို လျော့ပါးစေပြီး ခွဲထွက်ရေး လှုပ်ရှားမှုများကို လျှော့ချနိုင်ခဲ့ပါသည်။ နိုင်ငံ ၂ နိုင်ငံလုံးတွင် ခွဲထွက်ရေးလှုပ်ရှားမှုများ အောင်မြင်သည်ကို မတွေ့ရသလောက်ပင် ဖြစ်သည်။


ဒေသဆိုင်ရာ ခေါင်းဆောင်များ အနေဖြင့်လည်း ခွဲထွက်ရေးကို တောင်းဆိုလာပါက အများသောအားဖြင့် ငြင်းဆန်မည်ကို ရုရှားဖက်ဒရယ်ရှင်း သာဓကကို ကြည့်ခြင်းဖြင့် ထင်ထင်ရှားရှား တွေ့မြင်နိုင်ပါသည်။ သို့တစေ ခွဲထွက်ရေးလှုပ်ရှားမှုကို အဓိပ္ပါယ်ဖွင့်ဆိုရာတွင် အမျိုးမျိုး အထွေထွေ ဖြစ်နေသည်ကို တွေ့ရပါသည်။ မိမိကိုယ်ကိုယ် ခွဲထွက်ရေး လှုပ်ရှားသူများဟု ရည်ညွှန်းသူများ ကိုယ်တိုင်ပင်လျှင် တကြောင်းတဂါထာ တရွာတပုဒ်ဆန်း ဖြစ်နေသည်ကို တွေ့ရပါသည်။ ကော်စီကန် လူမျိုးများအဖို့ ခွဲထွက်ရေးဆိုသည်မှာ ပြင်သစ်နိုင်ငံမှ လုံးဝလွတ်လပ်ရေးကို ဆိုလိုပါသည်။ ကွိဘက်ရှိ ခွဲထွက်ရေး သမားများအဖို့ ခွဲထွက်ရေးဆိုရာတွင် ကနေဒါနိုင်ငံနှင့် ဆက်လက် ပူးပေါင်းရေးကိုလည်း ဆွဲကိုင်ထားသည်ကို နောက်ဆုံး လူထုဆန္ဒခံယူပွဲတွင် တွေ့ရပါသည်။


သမိုင်း အထောက်အထားများအရ ဗဟိုရှိ ခေါင်းဆောင်များက မကျေမနပ် ဖြစ်နေကြသော ဒေသများကို ကိုယ်ပိုင် အုပ်ချုပ်ခွင့်များ အပ်နှင်းလိုက်သည့် အခါတွင် မတည်မငြိမ်ဖြစ်မှုကို မတွေ့ရဘဲ ငြိမ်းချမ်း တည်ငြိမ် သွားသည်ကိုသာ တွေ့ရလေ့ရှိသည်။ ၁၉၅၀ ပြည့်နှစ်များတွင် တမီလ် အမျိုးသားရေး လှုပ်ရှားမှုများ အားကောင်းလာသည် နှင့်အမျှ နယူးဒေလီရှိ နိုင်ငံရေး ခေါင်းဆောင်အများစုက ခွဲထွက်မည့်အရေးကို စိုးရိမ်ပူပန်ကာ အင်အားသုံး ဖြေရှင်းရန် အဆိုပြုကြပါသည်။ သို့သော်လည်း ဂျဝါဟလာ နေရူးက အင်အားသုံး ဖြေရှင်းခြင်းအစား တမီလ်များကို သီးသန့် ပြည်နယ်တခု ပေးအပ်လိုက်ရာ ခွဲထွက်ရေး လုပ်ရှားမှုများ ငြိမ်သက်သွားခဲ့သည်ကို တွေ့ရသည်။ ပန်ဂျပ်ပြည်နယ်ရှိ ဆစ်ခ် ခွဲထွက်ရေးသမားများကို အင်ဒီရာ ဂန္ဒီက လုပ်ပိုင်ခွင့်များ မပေးဘဲ လက်နက်အင်အားသုံး၍ ဖြေရှင်းခဲ့ရာ ပြဿနာမှာ ပြေလည်သွားခြင်းမရှိဘဲ နှစ်ပေါင်းများစွာ ကြာမြင့်နေခဲ့ရပါသည်။ အစိုးသစ် တက်လာပြီး ရွေးကောက်ပွဲများ ကျင်းပပေးလိုက်ရာ ဆစ်ခ်ပါတီ အာဏာရလာသည်နှင့် ခွဲထွက်ရေးလှုပ်ရှားမှုများ စင်မြင့်ပေါ်မှ ပျောက်ဆုံးသွားခဲ့ရသည်။ နိုင်ဂျီးရီးယား နိုင်ငံတွင် နီဂျာမြစ်ဝကျွန်းပေါ်ဒေသမှ လှုပ်ရှားသူများကို လုပ်ပိုင်ခွင့်များ အပ်နှင်းလိုက်သဖြင့် ၁၉၆၀ ပြည့်နှစ်များတွင် စတင်ခဲ့သည့် ခွဲထက်လှုပ်ရှားမှုများ ရပ်တန့်သွားရုံသာမက ယခင် ခွဲထွက်ရေးလှုပ်ရှားသူများက ဗဟုိုအစိုးရနှင့် ပူးပေါင်း ဆောင်ရွက်မှုများကိုပါ တွေ့ရပါသည်။ ဝီလျံ ဇာ့မင်က “တာဝန်ဝတ္တရားက တောင်းဆိုမှုများကို လျော့ပါးစေသည်” ဟု ဆိုပါသည်။


သဘောထားတင်းမာသည့် ခေါင်းဆောင်များ အနေဖြင့် ခွဲထွက်ရေး လှုပ်ရှားမှုများသည် ဖြေလျော့ လိုက်လျောခြင်းကြောင့် မဟုတ်ဘဲ အတင်းအကြပ် သွတ်သွင်းရန် ကြိုးပမ်းမှုကြောင့်သာ ဖြစ်သည်ဆိုသည့် အချက်ကို သတိထားရန် လိုအပ်သည်။ ဘာသာစကားတခုတည်းအဖြစ် သတ်မှတ်ရန်ကြိုးပမ်းမှုသည် စပိန်နှင့် ဆူဒန်နိုင်ငံ၏ ခွဲထွက်ရေး လှုပ်ရှားမှုများကို ပိုမို အားကောင်းစေခဲ့ပါသည်။ နိုင်ငံတော်ဘာသာ သတ်မှတ်ရန် ကြိုးပမ်းမှုကြောင့် မြန်မာနိုင်ငံတွင် ခွဲထွက်ရေး လှုပ်ရှားမှုများကို တွန်းအားပေးလိုက်သလို ဖြစ်သွားခဲ့သည်။ တမီလ် ဆန့်ကျင်ရေး သမားများ၏ အလုပ်အကိုင်နှင့် အသက်မွေးဝမ်းကြောင်း ဆိုင်ရာ ကန့်သတ်ရန် ကြိုးပမ်းမှုများက သီရိလင်္ကာတွင် ခွဲထွက်ရေး လှုပ်ရှားမှုများကို ပိုမို အားကောင်းသွား စေခဲ့သည်။


ဖက်ဒရယ်စနစ် ကျင့်သုံးရန် မဆိုထားနှင့် အာဏာခွဲဝေသုံးစွဲရေးကိုပင် ငြင်းဆန်ခြင်းသည် ခွဲထွက်ရေး လှုပ်ရှားမှုများကို နိုးကြားလာစေလေ့ရှိသည်။ အာဏာခွဲဝေ သုံးစွဲရေး အစီအမံကို ငြင်းဆန်ပြီးနောက် ၁၉၇၆ ခုနှစ်မှစ၍ သီရိလင်္ကာနိုင်ငံတွင် တမီလ် လက်နက်ကိုင် ခွဲထွက်ရေး လှုပ်ရှားမှုကို အားပေးထောက်ခံမှု ပိုမို များပြားလာခဲ့သည်။ တောင်ဆူဒန်တွင်လည်း အလားတူပင် အာဏာခွဲဝေရေး အစီအမံကို ငြင်းဆန်ပြီးနောက် ခွဲထွက်ရေး လှုပ်ရှားမှုများ ပိုမိုအားကောင်းလာခဲ့သည်။ ၁၉၆၀ ပြည့်နှစ်များအတွင်း အာဖရိကအငူရှိ အီရစ်ထရီယာ လွတ်လပ်ရေး လှုပ်ရှားမှုများ စတင် ပေါ်ပေါက်ခဲ့ရခြင်းမှာ ဖက်ဒရယ် ကတိကဝတ်ကို ချိုးဖောက်လိုက်ခြင်းကြောင့်ပင် ဖြစ်သည်။


သို့တစေ ဖက်ဒရယ်အစီအမံများ ဆောင်ရွက်ခြင်းသည် ပြဿနာအားလုံးကို ပြေလည်စေမည့် ၉၆ ပါးရောဂါ ပျောက်ဆေး မဟုတ်သကဲ့သို့ ဖက်ဒရယ်ဝါဒသည်လည်း ငြိမ်းချမ်းရေး အပါအဝင် မည်သည့်အရာကိုမျှ အာမခံနိုင်သည်တော့ မဟုတ်ချေ။ တချို့အခြေအနေ အချိန်အခါများတွင် ဖက်ဒရယ်ဝါဒသည် ရွေးချယ်စရာကောင်းတခု ဖြစ်ရန် မသေချာချေ။ သို့သော်လည်း ဖက်ဒရယ်ဝါဒသည် ခွဲထွက်ရေးကို အားပေးသည့် ကြောင်းကျိုးညီညွတ်မှု မရှိသကဲ့သို့ သမိုင်းဆိုင်ရာ အထောက်အထားများ အရလည်း မှန်ကန်မှုမရှိသည့် အကြောင်းပြချက်များဖြင့် မျက်စိပိတ် ငြင်းဆန်ရန် မသင့်ချေ။ အဓိကအားဖြင့် ဖက်ဒရယ်ဝါဒသည် မည်သို့သော အခြေအနေ အချိန်အခါမျိုးတွင် ခွဲထွက်ရေးဝါဒနှင့် ဆက်စပ်ပြီး မည်သည့်အချိန်ခါ အခြေအနေမျိုးတွင် မဆက်စပ်သည်ကို ကျယ်ကျယ်ပြန့်ပြန့် နှိုင်းယှဉ်လေ့လာရန် လိုအပ်သည်။


ထို့အပြင် ဖက်ဒရယ်ဝါဒ အနေဖြင့် နိုင်ငံရေးပါတီစနစ်ကို မည်သို့ သက်ရောက်သည်ကိုလည်း နှိုင်းယှဉ်လေ့လာရန် လိုအပ်သည်။ အာရ် ကန့် ဝေဘာ (R. Kent Weaver) ၏ လေ့လာတွေ့ရှိချက်များက ဖက်ဒရယ်ဝါဒနှင့် ပတ်သက်၍ အမြင်စောင်းမှုများ အားလုံးကို ချေဖျက်နိုင်ခဲ့ပါသည်။ ဖွံ့ဖြိုးပြီး ဒီမိုကရေစီ နိုင်ငံများတွင် ပြုလုပ်သည့် သုတေသနများအရ ဖက်ဒရယ်ဝါဒ ကျင့်သုံးသဖြင့် လွှတ်တော်အတွင်း မတည်မငြိမ်မဖြစ်မှုနှင့် အကွဲအပြဲမှာ ဆက်စပ်မှုရှိသည် ဆိုသည်ကို ညွှန်ပြသည့် အထောက်အထားမှာ အလွန်နည်းပါးသည်ကို တွေ့ရပြီး ဖက်ဒရယ်ဝါဒကြောင့် နို်င်ငံရေးစနစ်အပေါ် အယုံအကြည်ကင်းမဲ့သည့် ပါတီများ များပြားလာခြင်းမှာ ဆက်စပ်မှု လုံးဝမရှိသည်ကို တွေ့ရပါသည်။ ဆက်လက်ပြီး သူက ဖက်ဒရယ်နှင့် အချိုးမညီသည့် အထက်လွှတ်တော် အကြား ဆက်စပ်မှုတော့ ရှိသည်ဟု ဆိုပါသည်။ ထိုအဆက်အစပ်မှာလည်း လူနည်းစုများကို အကာအကွယ် ပေးနိုင်သည့် အပြန်အလှန် ထိန်းကြောင်းပေးသည့် ပုံစံမျိုးသာ ဖြစ်သည်ဟု ဆိုပါသည်။ သို့သော် အထက်ပါ ယေဘုယျ ကောက်ချက်မှာ ဖွံ့ဖြိုးပြီး ဒီမိုကရေစီ နိုင်ငံများအတွက်ပါ မှန်ကန်မှု ရှိ မရှိမှာ အသေးစိတ် ထပ်မံလေ့လာရန် လိုအပ်ပါသည်။



နန်စီ ဘာမီရို (Nancy Bermeo) သည် ပရင့်စတန်တက္ကသိုလ်မှ နိုင်ငံရေး ပါမောက္ခတဦးဖြစ်ပြီး နုိုင်ငံရေးအုပ်စိုးမှု အပြောင်းအလဲနှင့် ပတ်သက်၍ လေ့လာရေးလျှက်ရှိသည်။ ယခုစာတမ်းသည် နန်စီ ဘာမီရိုနှင့် အူဂို အမ်မိုရက်တီ (Ugo Amoretti) တို့ တည်းဖြတ်သော Federalism and Territorial Cleavages (Johns Hopkins University Press) စာအုပ် နိဂုံးအပိုင်းမှ ကောက်နုတ်ချက်များဖြစ်ပြီး Journal of Democracy နှင့် Johns Hopkins University Press တို့၏ ခွင့်ပြုချက်ဖြင့် Educational Initiatives (ပညာရှေ့ဆောင်) က ဘာသာပြန်ဆိုသည်။ Educational Initiatives သည် ဒီမိုကရေစီနှင့် ပတ်သက်သော သင်တန်းများ၊ လူသားအရည်အသွေးမြှင့် သင်တန်းများကို ပို့ချပေးနေသည့် ရန်ကုန်အခြေစိုက် အဖွဲ့အစည်းဖြစ်သည်။ www.eduinitiatives.org သို့ ဝင်ရောက် လေ့လာနိုင်သည်။


Source from


http://burma.irrawaddy.org/opinion/viewpoint/2015/09/13/94165.html